Təmənnasız və eyni zamanda professional tibbi yardım Azərbaycana qayıdır. “Medprosvet” qrupu Azərbaycan üçün əvəzolunmaz “Dejurka” layihəsinə başlayır: hər gün qrupun səhifəsində məsləhətlər verən yüksək ixtisaslı həkimlər ayda bir gün öz iş yerlərində ödənişsiz konsultasiyalar təşkil edirlər. Həmin gün xəstə qəbulu tamamilə pulsuz olacaq. Artıq aprel ayından başlayaraq, hər bir insan terapevt, nevroloq, hepatoloq, hematoloq, LOR, onkoloq, kosmetoloq, stomatoloq, pediatr, psixoloq və psixoanalitikin qəbuluna yazılaraq, pulsuz konsultasiya ala biləcək. Sizə diaqnoz qoyulacaq, müalicə yazılacaq və hər zaman sağlam olmanız üçün yardım edəcəklər.

Həmçinin, Paramed klinikasının xüsusi təklifi olaraq, siz həmin klinikada ginekoloq, damar cərrahı, dermatoloq və kosmetoloqun pulsuz müayinəsinə yazıla bilərsiniz

Həkimlərin qəbuluna yazılmaq üçün növbətçi həkimlərimiz və onların əlaqə məlumatları yazılan linkə keçməlisiniz. 

“Medprosvet” – Azərbaycanda ən dinamik inkişaf edən tibbi qrupdur. Belə ki o, 1 ay müddətində 10 minə yaxın istifadəçi toplaya bilmişdir. Sosial şəbəkədə onlayn, pulsuz, informativ yardım göstərmək məqsədilə yaradılmış qrup aprelin 1-dən “Dejurka” layihəsinə start verir. Bu layihə ölkədə həkim müayinəsinə ödəniş etmək imkanı olmayan insanlara çoxprofilli tibbi yardım göstərən ilk xidmət olacaqdır.