DiHaj kimi tanınan Diana Hacıyeva adlı azərbaycanlı müğənnisi Luna Project-də öz solo elektron layihəsilə çıxış edib. Biz onun yeni yaradıcı ampluası və gələcək planları haqqında öyrəndik.
- Yeni layihən haqqında danış.
- Bu layihənin tamamilə yeni olduğunu söyləyə bilmərəm. Düşünürəm ki, bu, xüsusən də elektron sahəsində fəaliyyət göstərən musiqiçilərin yaradıcılığında təbii inkişafıdır.
- Bu layihə haqqında düşüncələrin haradan yarandı? Bu istiqaməti niyə seçdin?
Bu istiqamətdə xüsusi heç nə düşünmürdüm və etmirdim. Məncə, bu, bir növ bir az daha sürətli ifa etmək arzusudur. Belə ki, struktur və ideoloji baxımdan trio ilə bağlı məsələlər tamamilə başqa cür həll olunur. Drum'n'Bass istiqamətini və breakbeatı çox sevdiyimdən birinci çıxışım üçün mən məhz onu seçdim. Mən bu musiqini hər zaman sevmişəm. Mən hər zaman bu musiqi sədaları altında hoppanmaq və rəqs etmək istəmişəm. Bu cür hardkor musiqi janrları mənim çox xoşuma gəlir. Məhz buna görə də birinci Live aсt üçün dram-n-beysi seçdim. Düşünürəm ki, bu cür alınmağın səbəbi mənim məhz bunu istəməyim oldu.
- Bu layiihə əvvəlkilərdən nə ilə fərqlənir?
- Düşünmürəm ki, indiki və əvvəlki layihələrim arasında sərt sərhəd çəkmək düzgün olar. Mən əvvəlki DiHaj olaraq qalıram, sadəcə musiqi həyatımı və musiqi sevgimi müxtəlif əks etdirirəm. Mən özümü çoxşahəli musiqiçi, artist və hətta rəssam hesab etmək istəyirəm və buna can atıram. Yeni hobbim geniş kütlə tərəfindən qəbul olunduqda çox sevinirəm.
- Sənin yeni "musiqin" kimin xoşuna gələ bilər?
- Mənim yaratdığım Live artıq rəqs musiqisidir və rəqs səhnələrində uğurla səsləndiriləcək. Bu cəhət trio layilhərimin musiqisini solo layihələrimin musiqisindən fərqləndirən əsas cəhətdir. Birdə, trionun musiqisi bir az daha xəyalpərəst və daha düşüncəlidir.
Tez-tez fərqli yerlərdə yeni layihə ilə çıxış etməyə dəvət olunduğumla öyünə bilmirəm. Lakin düşünürəm ki, bu, bir az daha “sakit” tədbirdə baş verə bilər. Yalnız hardkor janrında dayanmaq istəmirəm, hətta caz proqramlar belə yaratmaq haqqında düşünürəm.
- Komandanın üzvlərinin sənin solo proqramına münasibəti necə oldu? Bunun "DiHaj triosunun" sonu olduğunu düşündülərmi?
- Komandamın üzvləri çox müsbət mününasibət sərgilədi. Dostlarım məni hər zaman hər işimdə dəstəkləyib. Sevimli və əziz dost dostunun inkişafına sevinməyə bilərmi.
- Yaratda musiqi üzrə master-klass keçirmisənmi? İştirakçıların səviyyəsini necə qiymətləndirirsən?
- Master-klasslar "ARTIM Projectspace" məkanında keçirilirdi və məndə qeydiyyatda 10 nəfər var idi. Kursumuz çoxşahəlli idi. Belə ki, biz musiqinin tarixinə, inkişaf dövrlərinə nəzər saldıq və hətta sintezatorları və elektron musiqisinin yaranması haqqında da məlumatlandıq. Proqrama "Ableton Live" haqqında əsas məlumatlar daxil idi – musiqi parçasını, yəni treki necə yaratmalı, bütün bunları idarə etməli, musiqinin psixoloji komponenti, insana necə təsir etməsi, insan özünü melodiya ilə necə ifadə bilər ... Və səmimiyyətlə qeyd etməliyəm ki, mən çox sevinirdim. Günlərin birində uşaqlarla birlikdə biz ortaq bir trek yaratdıq. Hər bir tələbə bir alətin səsini yazdı, tələbələr bir-birinə musiqi parçaları təqdim edirdi və nəticədə uşaqların "Xəyal" adlandırdığı bir kompozisiya quruldu. Tezliklə onu SoundCloud DiHaj-da yayımlayacaq və bütün iştirakçıları qeyd edəcəyəm. Bu, bizim ilk qrup işimiz olacaq.
- Bu cür işlər gələcəkdə də planlaşdırılırmı?
- Düşünürəm ki, insanlara musiqi sevgisini aşılamaq bu cür təbirlər tez-tez keçirilməlidir. Lakin bu aşılanma adət etdiyimiz akademik tərzdə həyata keçirilməməlidir. İnsanlar musiqinin kökünü və onun idarə edilmə qaydasını bilməlidir. Axı musiqi səmimi incəsənət növlərindəndir. Hesab edirəm ki, o, ən səmimi incəsənət növüdür. O, həm qiymətli daş, həm silah, həm də hər dərdin dərmanıdır. Onu düzgün idarə etmək və düzgün yönəltmək qaydasını, ən azı nə etdiyini bilməlisən. Məhz buna görə də mən bu kursdan razı qaldım. İnanıram ki, o, uşaqların da xoşuna gəldi və bu, bizim son görüşümüz deyil.
