Butikdə fərqli kürü növlərini, balıq delikateslərini əldə edə və ən təcrübəli aşpazların xüsusi olaraq Baku Caviar butiki üçün hazırladığı yemək və içkilərdən ibarət kürü menyusunu kəşf edə bilərsiniz.

Dünyanın hər bir paytaxtı öz xüsusi delikatesi ilə məşhurdur. Paytaxtımızda ilk dəfə İçərişəhərdə Baku Caviar butiki öz qapılarını açaraq sizlərə milli incimiz sayılan qara kürünü dequstasiya edərək əldə etmək imkanı yaradır.

Burada zəriflik və rahatlıq şəraitində qonaqlar ən dadlı yerli Baku Caviar qara kürüsünün, digər balıq məhsullarının və eksklüziv spirtli içkilərin dadına baxa və əldə edə bilər.

Birinci mərtəbədə fərqli kürü növləri, eləcə də balıq məhsulları və dizayner suvenirlər təqdim olunub. Kürü növlərindən burada iki növ nərə balığı, bölgə balığı və uzunburun balığının kürüləri var.

Zərif dada malik olan Osetra sortu ən qiymətli və nəfis rus nərəsinin fərdlərindən əldə edilir. Beluqa kürüsünün dənəcikləri böyük və dənəvərdir, onların rəngi isə qaradan açıq boza qədər dəyişir. Kürünün rəngi nə qədər açıqdırsa, o, bir o qədər qiymətli hesab edilir. Sevryuqa isə ən xırda, tünd və bəzi ekspertlərin fikrincə, dünyanın ən ləzzətli kürüsüdür.

Butikin ikinci mərtəbəsində zərif şəraitdə qonaqlara ən təcrübəli aşpazların xüsusi olaraq kürü butiki üçün müxtəlif kürü və balıq məhsullarından hazırladığı yeməklər təqdim olunur.

Baku Caviar butikinin damından isə Qədim şəhərin gözəl mənzərələri açılır. Burada bar və istirahət sahəsinə malik rahat bir teras var. Bu butik yalnız Azərbaycan üçün unikal deyil, dünyada oxşar layihələrin sayı çox azdır.

Butik əməkdaşları qonaqlara Azərbaycanda qara kürü istehsalının tarixi və xüsusiyyətləri barədə ətraflı məlumat verməkdən məmnundur.

Azərbaycanda kürü istehsalına 1954-cü ildə başlanmışdır. Həmin il Neftçala bölgəsində Xəzərin sahilindəki təbiət qoruğunun yaxınlığında nərə balığının yetişdirilməsi üçün zavod tikilmişdir. Sovet dönəmində Kremlə göndərilən bu kürünün məşhur pərəstişkarlarından biri Uinston Çerçill idi.

Bu zavodun davamçısı olan Baku Caviar brendi, yalnız Azərbaycanda kürü istehsalı ənənələrini deyil, həm də Xəzər ekosistemini bərpa etməkdədir. Satılan hər bir kürü qabı üçün şirkət dənizə 10 nərəcinsli körpə balıq buraxır. Beləliklə, Baku Caviar kürüsünü almaqla, siz Xəzər dənizinin təbii ehtiyatlarının bərpa edilməsinə öz töhfənizi vermiş olursunuz.

Baku Caviar кürüsü hər hansı süni qatqılardan istifadə etmədən ənənəvi üsulla istehsal olunan əsl təbii Azərbaycan qara kürüsüdür. Artıq bu kürü Azərbaycanın qastronomik rəmzinə çevrilmiş və Baku Caviar butikinin açılması ilə isə Azərbaycanda daha bir dünya səviyyəli gözəl məkan yaradılmışdır.