Londonun "Vanilla Pixel" şirkəti avioqəzaların mümkünlüyünü qabaqcadan hesablayan tətbiqetmə hazırlayıb.

"Am I Going Down?" adlanan mobil tətbiqetməsi cari uçuşların satistikasını analiz edərək, sərnişinin uçacağı təyyarənin düşmə riskini hesablayır. Mənbə kimi, tətbiqetmə Jeneva aviaqəzaların qeydiyyat şöbəsi, ABŞ-in nəqliyyatın təhlükəsizliyi üzrə Milli Şurası və BMT-nin mülki aviasiya Beynəlxalq Təşkilatıdan istifadə edir. 

Tətbiqetmənin müəllifi Nik Cons bildirib ki, "Am I Going Down?" tətbiqetməsi uçuşlardan qorxanlar üçün nəzərdə tutulub. "Proqramı təqdim edərkən, mən göstərmək istəyirdim ki, qəza riski çox aşağıdır". Consun sözlərinə görə, əgər sərnişin növbəti 11 min il ərzində hər gün təyyarə ilə uçacaqsa, onun hətta bir dəfə də olsa qəza keçirmək şansı olduqca aşağıdır.