Bayıl qəsəbəsindəki binalardan birinin sakinləri URBAN redaksiyasına gördəndirdikləri məktubda həyətlərini özlərinin necə bəzədikləri və abadlaşdırdıqlarını yazıblar. Oraya getdiyimizdə biz nə qeyd edilmiş qrafiti şəkillərini, nə də bəzədilmiş hovuzu gördük – hamısı rayon rəhbərliyinin işçiləri tərəfindən məhv edilmişdir. İnanmaq olmur ki, həyət sakinləri baş vermiş hadisədən məmnundur.
Bu görüntülər meydana qonşular əl-ələ verib həyətdə bir az yaradıcılıq işləri apardıqdan sonra gəldi:
Binanın Leylan adlı sakini aşağıdakıları deyir: “Qonşuluğumuz Bayıl qəsəbəsində çoxlu oxşar layihələr təşkil edir. Bizim uşaq və yeniyetmələrin öyrədilməsi ilə məşğul olduğumuz mərkəzimiz var. Biz buna yeniyetmələrin artıq enerjisinin xaric edilməsi adlandırırıq. Yeniyetmələr çox enerjili olduğundan və nəzarət altına alınmadıqlarından onlara çox zaman quduzlaşmış kimi baxırlar. Biz isə onlardakı artıq enerjinin düzgün istiqamətdə yönəldilməsi ilə məşğuluq. Üsullardan biri də məhz bu cür layihələrin həyata keçirilməsidir: biz qrafiti təsvirlərini çəkir, kafel, butulka qapaqları və digər materiallardan maraqlı görüntülər alırıq.
Yeniyetmə və gənclər bu işləri görəndə böyüklər onlara kömək etmək istəyir. Bu yaxınlarda həyət sakinləri ekoloji kampaniya keçirdilər: Bayıl qəsəbəsindəki tullantıları yığıb, növlərinə ayırdılar.
İlk əvvəl bu həyəti bəzəmək qərarına VarYox art-qrupu gəlmişdir. Onları bütün qonşular dəstəklədi və köməklərini əsirgəmədi. Lakin bir müddət sonra ərazi rəhbərliyi həyətyanı sahəni yeniləməyə başladı: qrafiti təsvirləri rəngləndi, fəvvarənin yerində isə oyun meydançası düzəldiləcəyini söz verdi. Açığını deyim ki, bu, bizi sevindirdi. Biz öz həyətimizi sevirik, lakin o, köhnəlmiş, rahatsız və təhlükəsiz olmayan bir məkan idi. Yeni layihənin isə, əksinə, yaraşıqlı və təhlükəsiz olacağı bildirilir. Hərəkətlərimizlə rəhbərliyin diqqətini çəkməyimiz yaxşı oldu. Onlar həyətdəki obyektləri rəngləmək, ona uşaq oyun meydançası və skamyalar əlavə etməyi planlaşdırır.
Mən bu həyətdə anadan olmuşam. Burada bir neçə dəfə dəyişiklik aparılıb və hər dəfəsində sakinlər məmnun qalıb. Onsa görə ki, biz hər kəslə mehribanıq və hər bir dəyişikliyin həyətin yaxşılaşdırılmasına xidmət etdiyini anlayırıq”.
Binanın Esmira adlı sakini hesab edir ki, insanlar yalnız özləri üçün deyil, cəmiyyət üçün də nəsə etməlidir. O deyir: “Gənc nəslə düzgün nümunə göstərilməlidir. Adətən, qonşuluqda bir şey məhv edildikdə və ya korlandıqda, bu işdə uşaqların əli olur. Biz isə onlara yaratmağı və başqasının əməyinə hörmətlə yanaşmaq lazım olduğunu başa salırıq.
Həyətimizi bəzəməklə biz yalnız bir addım atdıq. Üstəlik, hər şeyi biz heç kimin köməyi olmadan etdik. Biz bacardığımızı etdik. Bizim kiçik addımımız sayəsində həyətdə çoxlu müsbət dəyişiklik olacaq. Məsələn, bizim kiçik gülafirəngimizi (беседка) daha böyüyü ilə əvəz edəcəklər. Üstəlik də yeni gülafirəngimiz üstü örtüklü olacaq".
Bayıl qəsəbəsinin həyətlərindən birindəki dəyişikliklər haqqında söhbət edərkən bizə Murad adlı bir gənc yaxınlaşdı. Məlum oldu ki, o rəfiqəsi ilə birlikdə buraya divar incəsənəti baxmağa gəlib, lakin burada həmin gözəlliyin izini belə tapmayıb. Rəhbərliyin şəkilləri məhv etdiyini eşitdikdə Murad üzüldü, lakin həmin rəhbərliyin burada abadlıq işləri apacağı haqqında məlumat ona çox yaxşı təsir etdi. O, Bayılın abadlaşdırılması ilə bağlı digər layihələrdə iştirak edəcəyinə söz verdi.
Qonşuları bir araya gətirib bu tədbirləri təşkil edən İrina Məcidova deyir: “Təəssüf ki, bəzi layihələrimiz tamamilə məhv edilmişdir. Biz qonşu həyətlərin divarlarında gözəl şəkillər çəkmişdik. Onlar digər sakinlər tərəfindən məhv edilirdi. Lakin buna baxmayaraq biz yenə də həmin şəkilləri çəkməkdə davam edirdik. Və sonda istəyimizə nail olduq: çəkdiyimiz şəkillərə heç kəs toxunmur.
Artıq 15 ildir ki, biz qonşuluqda faydalı işlər görürük. Pilləkanla qalxmaq rahat olsun deyə biz qışda qar təmizləməyirdik, camatımız isə: “Nəhayət ki, MİS (ЖЭК) bizim qayğımıza qaldı” deyirdi. Özümüz bir işi görə biliriksə, nə üçün MIS işçilərini gözləməliyik? Qonşuluq cəmiyyətimizin üzvləri gender bərabərliyi, ekoloji vəziyyət və gələcək peşənin seçimi kimi mövzuları müzakirə edir. Onlar hətta bu və ya digər fəaliyyət növünün üstünlüklərinin müzakirə edilməsi üçün düşərgə də yaratmışdılar. Biz istəyirik ki, uşaqlar valideynlərinin istəyi ilə deyil, öz marağına uyğun peşə seçsin”.
"Həyətimizi bəzəyəndə hətta bu prosesdə iştirak etməyən və ya müqavimət göstərən qonşular belə müsbət reaksiya verdi. Axşamlar masalar, stullar çıxarırdılar, samovar çayı təşkil edirdilər, hətta maddi cəhətdən də dəstək olurdular. Biri sement, digəri şifer, üçüncüsü boya təklif edirdi. Dövlətimiz həyətimizi yeniləməyə başlayanda bir çox sakin təəssüf etdi. Lakin hər şey yaxşılığa doğru gedir. Fəvvarəni sökəndə biz çox sevindik: o, çatlamış və uşaqlar üçün təhlükəli idi, eləcə də onun bərpası mümkün deyildi. İstərdik ki, bəzi qrafiti şəkillərinə toxunmayaydılar, lakin nəticənin çox yaxşı olacağı bizi sevindirir. Həyətin xaricində yaratdığımız gözəlliklərə isə heç kəs toxunmamışdır”.
Hazıırda həyətdə bunları görmək mümkündür:
Siz də Bayıl qəsəbəsi sakinlərinin layihələrinə köməklik göstərmək istəyirsinizsə, +99451 663 15 66 telefon nömrəsilə Leylan Mammədovaya müraciət edin.
