URBAN.AZ
URBAN.AZ

Telegram Banner

Azərbaycanda 1500-dən artıq talassemiyalı pasiyent var.

Onlara hər 3 həftədən bir mütləq qan köçürülməlidir.

Talassemiya Mərkəzində bu pasiyentlərə qan tamamilə pulsuz köçürülür.

Lakin qanın köçürülməsi üçün donorlar lazımdır. Qanı sintez etmək, almaq, gətirmək, gələcək üçün saxlamaq mümkün deyil (talassemiyalı pasiyentlərə köçürmək üçün qan ən çoxu 7 gün əvvəl götürülməlidir).

Koronavirusla bağlı yaranmış panika ilə əlaqədar donorlar qan verməyi dayandırıblar.

Bu, çox ciddi bir vəziyyətdir və talassemiyalı pasiyentlərin ölümünə səbəb ola bilər.

Qan köçürülmədikdə onların hemoqlobini olduqca sürətlə aşağı düşür və orqanlar imtina etməyə başlayır.

Qan Bankında qanı aşağıdakı ünvanda vermək olar: Bakı, Mirəli Qaşqay küçəsi, 87.

Qan vermək tamamilə steril və təhlükəsizdir. Hətta, 3-4 ayda bir dəfə qan vermək sağlamlıq üçün faydalıdır, belə ki, immun sistem yenilənir.

Əlavə məlumat almaq üçün Talassemiya Federasiyasının rəhbəri Nailə Quliyevaya zəng etmək mümkündür: +994 50 607 88 66 

Nailə Quliyeva: "Azərbaycanda 1500-dən artıq talassemiyalı pasiyent pandemiya səbəbindən donor dəstəyindən məhrum olub"


Şərhlər