12 yanvar 2015-ci il tarixində Azərbaycan Respublikası Tarif Şurası növbəti iclasını keçirərək 30 dekabr 2014-cü il tarixli 1167-İVQD saylı Azərbaycan Respublikasının Vergi Məcəlləsində dəyişikliklər edilməsi haqqında Azərbaycan Respublikasının Qanununa uyğun olaraq, neft məhsullarının tarifləri müzakirə etmiş və müvafiq tarif tənzimləmələri apararaq, ölkə ərazisində istehsal edilib daxili istehlaka yönəldilən və idxal edilən avtomobil benzini, dizel yanacağı və maye qazın hər litrinin topdansatış qiymətinə 2 qəpik əlavə edilməklə yol vergisinin tətbiqini həyata keçirilib. 

Bununla da, Aİ-92 markalı benzinin qiyməti 72 qəpik, dizel yanacağı litrinin qiyməti isə 62 qəpiyə kimi qaldırılmışdı. 

13 yanvar 2015-ci il tarixində Azpetrol şirkəti rəsmi veb-saytında press-reliz yayaraq, dünya bazarlarında neftin və neft məhsullarının qiymətlərinin aşağı düşməsi ilə əlaqədar Premium markalı yanacağın pərakəndə satış qiymətinə yenidən baxılması barədə məlumat verilib və 13 yanvar 2015-ci il tarixindən həmin yanacağın 1 litrinin pərakəndə satış qiyməti 95 qəpikdən 93 qəpiyə endirilməsi bildirilib.  

30 dekabr 2014-cü il tarixli 1167-İVQD saylı Azərbaycan Respublikasının Vergi Məcəlləsində dəyişikliklər edilməsi haqqında Azərbaycan Respublikasının Qanununa əsasən yol vergisinin yanacağın 1 litrinin qiymətinə 2 qəpik əlavə edilərək Premium markalı yanacağın 1 litrinin  pərakəndə satış qiyməti 13 yanvar 2015 ci il tarixindən 95 qəpik olaraq müəyyən edilmişdir.

Beləliklə, Aİ-95 markalı benzinin qiyməti stabil olaraq 95 qəpik qalıb.