İnternetdə yeni BMW 7 Series-in fotoları yayıldı.

Əvvəlcə yeni BMW flaqmanının premyerası 2015-ci ilin payızına planlaşdırılmışdı. Yeni fotolar isə göstərir ki, yeni "yeddinci" BMW artıq hazırdır və onun təqdimatı Detroytda, 2015-ci ilin yanvarında keçirilə bilər. Düşünürəm ki, bu tələsiklik əbəs deyil - indiki "yeddinci"  BMW artıq 2008-ci ildən istehsal olunur. Yeni mercedes-Benz S-klass isə əbədi rəqibini artıq xeyli arxada qoyub.

Bizness-sinif sedanı təzə optika, radiator toru və bir qədər dəyişilmiş arxa hissəsi ilə seçilir. Lazerli işıqlardan başqa BMW 7-Series-də yeni interfeysə və güclü daxili yaddaşa malik iDrive sistemi ilə təchiz olunmuşdur. Üstəlik ənənəvi cihaz lövhəsini rəqəmsal panel və proyeksiya olunan displey əvəz etmişdir.

Avtomobilin motorları sırasına, qeyri-rəsmi məlumatlara görə, 260 at gücünə malik iki litrlik "turbo dördlük", 330 at güclü altı silindrli motor, 460 at gücü yarada bilən V8 və 600 at gücünə malik 6,6 litrlik V12 daxil olacaqdır. Həmçinin, model üçün dizel mühərrik, 275 və 400 at gücünə malik qoşula bilinən hibrid güc qurğuları da nəzərdə tutulub.