Con Lennon 1940-cı ildə anadan olub. Bu hadisədən az sonra onun valıdeynləri boşanmış və Conu xalası himayəsinə almışdı. O, Conun gitaraya olan həvəsini dəstəkləmirdi və həmişə deyərdi: "Gitara yaxşı şeydi, amma onunla sən heç vaxt yaşayışın üçün pul qazana bilməyəcəksən". Məşhurluğun zirvəsində ikən Con xalasına malikanə alır və onun girişində mərmər üzərində bu sözləri həkk elətdirir.
Onun iti və canlı ağlı gündəlik məktəb məcburiyyətlərinə qarşı üsyan edirdi. Ona görə də, iti zehninə baxmayaraq, o, həmişə sinif yoldaşlarından geri qalırdı. Hər zaman da müəllimləri acı karikaturalarla lağa qoyaraq, intizamı pozurdu.
1956-cı ildə Lennon Quarrymen qrupunu yaradır. Tezliklə qrupa qalan 3 nəfər qatılır və onun adı dəyişilərək The Beatlesolur.
Qrupun geniş tamaşaçı kütləsi qazanması üçün menecer Brayan Epstayn onların imicini tamamilə dəyişir. O, qrup üzvlərini siqareti atmağa, mətnlərindən söyüşü çıxartmağa məcbur edir. Dəri gödəkcələrini isə məşhur yaxasız pencəklərlə əvəz edir.
Lakin Lennonun ruhu rahatlıq tapa bilmir. Kral ailəsinin yer aldığı konsertdə o, inqilabi xarakterini açıq göstərərək səhnədən: "Ucuz yerlərdə əyləşənlər əl çalsınlar. Qalanları isə zinyət əşyalarının cingiltisi ilə kifayətlənə bilərlər" misralarını qışqırır. Kral ailəsi şoka düşür. İnqilabçının sözləri isə qrupu və onun üzvlərini daha da populyar edir.
Bununla belə, Lennonun iti dili bir dəfə onunla pis zarafat edir. İntervyuların birində Lennon deyir: "...İndi biz İsadan da məşhuruq. Heş bilmirəm, hansı daha tez yoxa çıxacaq - xristianlıq, ya rok-n-rol". Amerikalılar, xüsusilə də dindarlığı ilə seçilən cənublular onu sözlərini çox ciddi qəbul etdilər. Onlar qrupun plakat və vallarının kütləvi yandırılmasını təşkil etdilər. Bunların hamısı qrupun ABŞ-a qastrolları ərəfəsində baş verir. Onlar bu qastrollardan çox şey gözləyirlər. Ona görə də Lennon rəsmi olaraq, üzrxahlıq bildirməli olur.
Qrupda liderlik uğrunda mübarizə və yaradıcılıq uyğunsuzluğu "The Beatles" qrupunun dağılmasına gətirib çıxarır. Qrupun hər bir üzvü öz karyerası ilə məşğul olmağa başlayır. Lennon isə "bütün dünyada sülh" ideyasını mahnıları vasitəsilə həyata keçirməyə çalışır. Bu ideyaların zirvəsində onun "İmagine" mahnısı durur.
1980-ci il 8 dekabrı, saat 22:50-də Lennon ölümlə özləşir. Həmin gün Lennondan imza almış Mark çepmen onu evinin yanında gözləyərək, müğənninin kürəyinə 5 dəfə atəş açır. Güllələrdən 4-ü hədəfə dəyir. Yaralanmış Lennonu bir neçə dəqiqəyə xəstəxanaya çatdırsalar da hər şey hədər olur. O, dünyasını dəyişir. Lakin onun mahnıları bizimlə daim yaşayacaq.
