Hollivudun ən parlaq ulduzlarından biri özünü istedadsız aktrisa hesab edirdi. Bir dəfə o bəyan etmişdi: "Siz çox lütfkarsınız. Lakin mənim istedadım yoxdur. Onlar hamısı çalışırdılar. Amma hər şey hədərdir". 

O, balaca bir şəhərdə fermer ailəsində anadan olmuşdur. Nyu-Yorka köçərək sadəcə hansısa şirkətdə oşə düzəlmək istəyirdi. Lakin, onun yolu kinostudiyadan düşür. 50-ci illərdə aktrisanı "dünyanın ən seksual heyvanı" devizi altında tanıtmağa başlayırlar.

"Pandora" filmindən sonra aktrisa karyerasının ən əhəmiyyətli kino lentləri olan "Kilimancaro qarları" və "Moqambo" filmlərində çəkilir. Sonuncu filmə görə aktrisa Oskar mükafatına namizəd olur.

Kino tənqidçilərindən biri onu "mələk simalı və ilahi bədənli" adlandırırdı. Yaşadığı 3 nigah və bütün qalmaqallardan ən yadda qalanı yəqin ki, Frenk Sinatrayla olan eşq macərası hesab edilə bilər. Onların coşğun məhəbbəti əvvəlcə Frenkin arvadından boşanmasına, sonra isə Qardner ilə evlənməsinə səbəb olur. Lakin ailə həyatı uzun çəkmir və onlar ayrılırlar. Buna baxmayaraq, aralarındakı səmimi münasibəti qoruyub saxlaya bilirlər. Keçirdiyi insultdan sonra Avanın bütün müalicəsini məhz Frenk qarşılayır.

Hətta milyonçu Hovard Hyuzla yaşadığı macəraya baxmayaraq, aktrisanın qeyri-ənənəvi seksual oriyentasiyası barədə şayələr gəzirdi.

Ömrünün son illərini aktrisa Londonda keçirir. O, 67 yaşında pnevmoniyadan dünyasını dəyişir. Onun son sözləri isə belə olur: "Mən elə yorulmuşam..."