Stiven Spilberqin "Poltergeyst" trillerinin iemeyki 2015-ci ilin iyul ayında ekranlara çıxacaq.

Prodüser Sem Rokuel bildirib ki, 3D formatında olacaq yeni "Poltergeyst" filmini uşaq macəra filmi adlandırmaq olar. "Original filmdə əsas qəhrəman Frillinqlər ailəsinin anası Dayan hesab edilir. Bu dəfə, qəhrəman on yaşlı oğlan olacaq. Bu, daha çox uşaqlar üçün əkşn olacaq". Prodüser vurğulayıb ki, ekranlara çıxacaq film original versiyanın həm açıqlaması, həm də davamıdır.

Birinci "Poltergeyst" filmini R kimi (17 yaşında uşaqlar valideynlərin nəzarəti altında) işarələmişdilər. Ancaq prodüser bu yazını PG (bəzi materialların uşaqlar üçün nəzərdə tutlmadığı) qeydinə əvəz olunmasına nail olub. 

Rejissor Toub Xuperin "Poltergeyst" filmi 1982-ci ildə ekranlara çıxmışdı. Altı il ərzində filmdən iki sikvel çəkilmişdir. Film 3 texniki nominasiyada "Oskar"a layıq görülmüş, "Saturn" kino mükafatı isə onu ilin ən yaxşı qorxu filmi adlandırmışdı. Ssenarini Stiven Spilberq yazmışdır, özü də layihənin prodüserliyini boynuna götürmüşdür. Süjetin mərkəzində, evində qəribə hadisələrin baş verdiyini hiss edən amerikan ailəsidir.