Hamının Molyer kimi tanıdığı Jan-Batist Poklen tarixin ən istedadlı dramaturqlarından biri olub və olacaq. O, teatrın və xüsusilə də komediyanın gələcək inkişafına böyük təsir göstərmişdir.

Molyer hüquqşünas təhsili almış, lakin özünü teatra həsr etmək qərarı vermişdi. Bu, o dövr üçün cəsarətli addım idi, çünki ö vaxt aktyorluq sənəti nəinki nüfuzlu deyildi, bu sənətin sahiblərinə səfil və dilənçilər kimi yanaşırdılar.

O, Paristə "Parlaq teatr" yaradır, lakin paytaxtda məşhurlaşa bilmir və teatrın truppası ilə birgə əyalətə köçür. Onların teatrı ölkəni 15 il boyu səyahət edir. Məhz repertuarın kasadlığı Molyeri əlinə qələm almağa vadar edir.  Tədricən onlar məşhurluq qazanmağa başlayırlar. O qədər tanınırlar ki, teatrı Parisə, 14-cü Lüdovikin qarşısında çıxış etməyə dəvət edirlər. Kral truppanı bəyənərək, onlata teatr hədiyyə edir.

Həmin vaxtdan Molyerin bir dramaturq kimi aktiv dövrü başlayır. O, özünün ən məşhur əsərləri olan "Tartüf", "Don Juan", "Qadınlar məktəbi", "Kişilər məktəbi", "Xəsis" və başqa əsərlərini yazır.

Molyerin yaradıcılığının tədqiqi göstərmişdir ki, onun əsərlərinin çoxu dramaturqun özüntərəfindən deyil, fransız faciəsinin atası Pyer Kornel tərəfindən yazılmışdır. Molyer isə yalnız onları imzalayırdı. Bu həqiqətən də belədir, ya yox - bu gün artıq sübut etmək mümkün deyil.