Sizinlə yenə bəndəniz Düşüncə fabrikinin Həkimidir. Bu gün biz Ukraynadan gətirilən xərçəng əleyhinə kapsullar olan "Laetri" haqda danışacağıq. Bu möcüzəvi kapsullar Kerçdə acı və şirin badamdan, həmçinin, ərik və qzqm tumundan hazırlanır. Onların tərkibinə nə daxildir? Amiqdalin - badam və ərik tumuna acı dad verən maddə. Uşaqlıqda meyvə çəyirdəyini qıraraq, yemək istədiyinizdə valideynlərinizin sizi xəbərdar elədiyi acı dad. 

Amiqdalin orqanizmimizə düşəndə nə baş verir? Bir sıra fermentlərin təsiri altında, o, sian turşusu və başqa tərkib hissələrinə parçalanır. Həkimlər artıq dəhşətə gəldilər, qalan oxuculara ətraflı izah edim. Sian turşusu güclü zəhərli maddələr qrupuna aiddir. Sian turşusu oksigen aclığı yaradaraq, insanın beynini zədələyir. Bununla yanaşı, sian turşusu tənəffüsün pozulması və hətta tam dayanmasına, ürək-damar sisteminin kəskin çatişmazlığını və ürəyin dayanmasına səbəb ola bilir. Məhz sian turşusundan hamımıza məlum kalium sianid zəhərini hazırlayırlar.

Bu qədər güclü zəhərindən  mütəxəssislər və nüfuzlu idarələrin onkologiyada tətbiqinə nə demək olar? "Laetril"in istehsalçıları yazıçı-dokumentalist və rejissor C.Edvard Qriffinin "araşdırmaları"na əsaslanırlar. Həmçinin, "alternativ" biokimyaçı Ernst Teodor Krebs amiqdalinlə müalicə etməyə çalışırdı. Xahi. edirəm, onu eyni soyadlı "Krebs tsiklini" kəşf edən dahi alimlə səhv salmayasınız. Bir də kentukki ştatından olan, heç ki tərəfindən tanınmamış həkim Binzel. O da xərçəngin amiqdalinlə müalicəsini məsləhət görür. Məhsul Ukraynanın Səhiyyə Nazirliyi tərəfindən təstiqlənib və srtifikatlaşdırılıb.

Bu, bir tərəfdən. Digər tərəfdən, şiş əleyhinə preparat kimi amiqdalinin istifadəsi FDA*, ACS** və AMA*** tərəfindən çoxsaylı zəhərlənmə hallarına görə tamamilə qadağan olunub. Tərkibində amiqdalin olan preparatların yayılması ABŞ-da qanunla qadağan olunub. NIH**** apardığı araşdırmalar nəticəsində bu preparatın xərçəng əleyhinə təsiri təstiq etmir. İsbatlayıcı tibb sahəsinin tələblərinə cavab verən heç bir araşdırma bu qədər toksik preparatın onkoloji xəstələ müsbət sübut etməmişdir.

Müasir, savadlı, məsuliyyətli həkimin belə halda seçimi bəllidir. lakin belə bir problemlə üzləşmiş pasiyenti aldatmaq çox asandır. Özüdə ki, əgər istehsalçılar preparatı "B17 vitamini" adlandırırlarsa. Vitaminlərdə qorxulu nə var ola bilər ki?

Diqqətli olun, dostlar. Özünüzün və yaxınlarınızın aldadılmasına yol verməyin. Ölkəmizdə preparat qeydiyyatdan keçməyib və apteklərdə satışda yoxdu. Buna baxmayaraq, onu Azərbaycana gətirmək o qədər də çətin deyil. Çoxları bu tələyə düşüblər. Xəbərdar edilmək, silahlanmaq deməkdir. Sağlam olun.