Əlbəttə ki, qlintveyn ən tanınmış kokteyllərdən biridir, lakin ondan başqa da bir çox isti kokteyllər var ki, bizi qış yuxusundan oyada, əhvalımızı yüksəldə bilər.

Kalvadoslu alma şirəsi

Bu çox sadə, eyni zamanda, çox dadlı içkidir. Kalvados, alma şirəsi, bi qədər zəncəfil və ya darçın götürürük. Qarışdırırıq, isidirik, içirik.

Qroq

Dünyanın ən populyar isti kokteyllərindən biridir. Onu ingilis admiralı fikirləşmişdir. Əsasında su ilə həll edilmiş rom, bir qədər limon suyu və ədviyyat olur. Bunların hamısını qarışdırıb isitmək lazımdır.

Hot Toddy

Kokteyl qara çay, rom (yaxşı olar ki, qızılı), bal və ya şəkər, darçından ibarətdir. Dadlı və qızdırıcıdır.

Fransızsayağı qlintveyn

Fransızlar bu içkini özlərinə xas incəlik və alicənablıqla dəyişdiriblər. Çoxsaylı ədviyyatların əvəzinə onlar rozmarin, badam və portağal qatırlar. Onlar hesab edirlər ki, qalan əlavələr şərabın dadını korlayır. Kim mübahisə edir ki?

Jasmin sakesi

Bakı üçün bir qədər spesifikdir, amma tərkib hissələrini tapmaq olar. Bunun üçün sizə jasmin çayı, sake, qamış şəkəri və bir dilim limon lazım olacaq.

Bombardino

Brtendi və yumurta likorundan hazırlanmış italyan içkisi.

Nanəli culep

Tərkibində çay olan daha bir isti kokteyl. Ümumiyyətlə, onu əvvəlcə soyuq hazırlayırlar. Amma isti halda da çox dadlı olur. Nanəli çay dəmlənir, burbon və şəkər siropu əlavə edilir.