Şubert - dahi bəstəkar və romantizm janrının banilərindən biridir. Onun musiqisi ecazkardır. Bəstəkarın həqiqi istedadı ondadır ki, onun əsərlərinin ilk akkordlarını eşidər-eşitməz musiqi sizi ağuşuna alır, qəlbinizi emosiya okeanına qərq edir.

30 ildən bir qədər çox yaşayan Şubert dünyaya 9 simfoniya, 25-dən çox kamera musiqisi nümunəsi və yüzlərlə mahnı bəxş edib. Onun müəllimlərindən biri Antonio Salyerinin özü olub. Pərəstiş etdiyi  bəstəkarlar isə - Mosart və Bethoven.

Heç olmazsa, özünü dolandırmaq məqsədilə  Şubert musiqi məktəbinə müəllim vəzifəsinə düzəlir. Lakin işi onu qane etmirdi. Şubert bəstəkar olmaq arzusunda idi. Lakin heç bir nəşriyyat onun əsərlərini çap etmirdi. Bir dostu onu zamanının məşhur baritonu ilə tanış edir. Müğənninin ifasinda Şubertin əsərləri dinləyicilər tərəfindən tez bir zamanda sevilir və məşhurluq qazanmağa başlayır.

Məktəbi tərk edərək, Şubert özəl dərslər verməyə başlayır. Lakin tezliklə o, vəbaya tutularaq, vəfat edir. Onun məzarı üzərində bu sözlər həkk olunmuşdur: "Musiqi burada qiymətli xəzinəsini və ondan da böyük ümidlərini dəfn edib". Ferens List isə bəstəkar haqda deyib: "Şubert yer üzündə yaşamış musiqiçilərdən ən şairanəsi idi".