Gertruda Stayn ədəbiyyata təkcə yazıçı kimi deyil, həm də 20-ci əsrdə Fransada topladığı ədəbi cəmiyyətlərlə məşhurdur. Bu məclislərdə zəmanəsinin ən tanınmış şəxsiyyətləri iştirak edirdilər. O, gənc istedadların himayədarı, müəllimi, hətta sponsoru olurdu. Məhz Stayn bir zamanlar "itirilmiş nəsil" ifadəsinin müəllifi olmuşdur. Bu nəslə o, Heminquey və Remark kimi yazıçıları aid edirdi.

Həyatının gənclik çağlarında Stayn rəssamlıqla maraqlanırdı. O, müasir incəsənət nümunələrini toplayır, təbliğ edirdi. Pikasso, Şaqal, Modilyaninin və başqa rəssamların əsərləri onun kolleksiyasına daxil idi.

Ədiblər arasında o, Heminquey, Fidcerald və Uaylderi çox sevirdi. Coys və Paundu isə qəbul etmirdi. Bununla bərabər, Stayn çox vaxt onun işlərini anlamayan naşirlərlə problemlər yaşayırdı. Bununcnəticəsi olaraq,  Stayn"Alisa B. Toklasın tərcümeyi halı" romanını yazır. Bu, əlbəttə ki, saxta tərcümeyi-hal olur. Əsərdə müəllif rəssamlar və yazıçılarla olan münasibətindən, yaradıcılıq axtarışlarından söhbət açır. Bu iş modernizmin nümunəsi olaraq, böyük səs-küyə səbəb olur və yazıçıya dünya şöhrəti gətirir.